Bahut khub hai tu..

bahut khub hai tu,
kyoki imaandaar hai
isliye to tu
aaj tak berojgaar hai
are usko dekh
with banglaa car hai
na wo bewakoof
na hi imaandaar hai
tujhe lagtaa hai
uski jindgi bekaar hai
uske zameer pe
tujhe dhikkaar hai
magar tujh par na jaane
kitnaa udhaar hai
teri naukri ka
kitno ko intjaar hai
isi baat kaa to
mujhe bukhaar hai
tere liye to ab
ek hi saar hai
roti se jada
"imaandaari se pyaar hai"

Mera har ikraar

Mera Har Ikraar Tere Inkaar Se Aachha Hoga
Mera Har Din Teri Raat Se Aachha Hoga.
Na Ho Yakeen To Jhaank Lena Apni Doli Se
Mera Janaaza Teri Baarat Se Aachha Hoga.
Mera Har Ikraar Tere Inkaar Se Aachha Hoga
Mera Har Din Teri Raat Se Aachha Hoga.
Na Ho Yakeen To Jhaank Lena Apni Doli Se
Mera Janaaza Teri Baarat Se Aachha Hoga.

vaadaa-e-dil

*.vaadaa-e-dil nibhaane chale
sapne me hakikat paane chale
din me raat bitaane chale
samundar ke aansu bahaane chale
aakaash se moti paane chale

kahte hain wo..

*.kahte hain wo,nayaa zakhan na hoga. sach to ye hai,silsila khatam na hoga

dil me kuchh baat thi

dil me kuchh baat thi,
dil me hi rah gayi
aasuon ki nadi,ek aur bah gayi.
uski khaamoshi mujhse kuchh kah gayi
dil me ek baat thi,dil me hi rah gayi.

kya kahu, kya karu

*.kya kahu,kya karu, koi na jaane
dil dimaag ki ek na maane
pahle to the hum ekdum anjaane
aaj kahte hain wo, hamein deewaane
dard-e-dariya bah jayenge,
aankho se ojhal ho jayenge!!

ped ke patte

*.ped ke patte girte hain
par uthaataa koi nahin !
dosti sabhi karte hain
par nibhaataa har koi nahin!!

dosti karne waale

*.dosti karne waale
kabhi kam na honge,
unki mehfil me
bas hum na honge.

kasam na khao

*.kasam na khaao
hamein bhulaane ki,
hamein to aadat hai
gam me muskuraane ki.

zindgi ke safar mein

* jindgi ke safar me
kaun kiska hota hai
parchaayi bhi saath nahin deti
jab andhera hota hai.